“Standard & Poor’s Global Ratings” reyting agentligi “Trastbank” xususiy aksiyadorlik bankiga o‘zining uzoq va qisqa muddatli kredit reytingini “Barqaror” prognozi bilan “В+/В” darajasida tasdiqladi.
Mazkur agentlik reyting tizimiga ko‘ra, “В+/В” reytingi “Trastbank” XABning mamlakatimizdagi bank xizmatlari bozorida mustahkam o‘ringa ega ekanligini bildiradi. Kredit tavakkalchiligining oshishiga qaramay, bank yuqori rentabellikni saqlab qolmoqda.
“Barqaror” prognozi “Trastbank” XABning yuqori kapital zaxiralari va foyda yaratishning yuqori qobiliyatliligi uning kredit xususiyatlarini qo‘llab-quvvatlashini aks ettiradi.
Shuningdek, bank qisqa muddatli majburiyatlarini qoplash uchun yetarli bo‘lgan barqaror likvidlik ko‘rsatkichlarini saqlab qolmoqda.
