Avval xabar berilganidek, O‘zbekiston Respublikasi Markaziy banki tashabbusi bilan mamlakatimiz bo‘ylab “Butunjahon jamg‘arish kuni” (World savings day) haftaligi o‘tkazildi. “Trastbank” xususiy aksiyadorlik banki tomonidan ushbu haftalik doirasida turli tadbirlar tashkil etildi.
Xususan, poytaxtimizning “Al-Xorazmiy”, “Beltepa”, “Beshqayrag‘och”, “Bo‘ston”, “Kamolon darvoza”, “Gulobod” va “Iyk ota” mahallalaridagi kutubxonalarda moliyaviy savodxonlik darslari bo‘lib o‘tdi. Bank xodimlari tomonidan o‘quvchilarga pul mablag‘larini xavfsiz jamg‘arib borish usullari, onlayn va oflayn omonatlar hamda ularning shartlari to‘g‘risida taqdimotlar qilindi.
Bundan tashqari, tobora dolzarb bo‘lib borayotgan kiberxavfsizlik masalalariga e’tibor qaratilib, internet firibgarlariga aldanib qolmaslik yuzasidan zarur tavsiyalar berildi.
Shuningdek, ushbu moliyaviy savodxonlik darslarida faol ishtirok etgan o‘quvchi-yoshlarga moliya muassasasining esdalik sovg‘alari topshirildi.
.jpg "photo_2026-10-23_14-18-51 (2).jpg")
