Xabar berib borilayotganidek, shu kunlarda O‘zbekiston Respublikasi Markaziy banki tashabbusi bilan mamlakatimizda “Umumjahon pul haftaligi – 2026” (Global money week – 2026) tadbirlari o‘tkazilmoqda. “Trastbank” xususiy aksiyadorlik banki ham ushbu jarayonlarda faol bo‘lib, yoshlarning iqtisod bo‘yicha bilim va ko‘nikmalarini boyitish borasida qator chora-tadbirlarni amalga oshirmoqda.
“Namangan” bank xizmatlari ofisida Namangan shahridagi 52-sonli umumta’lim maktabi o‘quvchilari uchun ochiq dars tashkil etildi. O‘g‘il-qizlarning moliyaviy savodxonligini oshirishga qaratilgan ushbu tadbirlarda pul mablag‘larini jamg‘arib borish, pul-kredit siyosati to‘g‘risida ma’lumot berildi. Bundan tashqari, onlayn banking, kredit mahsulotlari, raqamli iqtisodiyot to‘g‘risida so‘z yuritildi.
O‘quvchi-yoshlar moliya muassasasi ish jarayoni bilan tanishib, o‘zlarini qiziqtirgan savollarga atroflicha javob olishdi.
Shuningdek, faol ishtirokchilarga “Trastbank”ning esdalik sovg‘alari topshirildi.
