Bugun moliya bozoriga biri-biridan jozibador bank xizmatlari kirib kelmoqdaki, bu o‘z navbatida, tanlov imkoniyatini yanada kengaytirmoqda. Mijozlar uchun esa nafaqat sifat va maqbul taklif, balki qulaylik ham juda muhimdir. Shu jihatdan, “Trastbank” xususiy aksiyadorlik banki aholiga tezkor o‘z mahsulot va xizmatlarini taqdim etish kabi masalalarga ustuvor ahamiyat qaratib kelmoqda.
5-iyul kuni Toshkent viloyati Oqqo‘rg‘on tumanida “Trastbank” XAB Bektemir filiali tasarrufida “Oqqo‘rg‘on” bank xizmatlari markazining ochilishi ham ayni maqsadlarga xizmat qiladi, desak mubolag‘a bo‘lmas.
Endilikda oqqo‘rg‘onliklar “Trastbank”ning barcha xizmatlaridan bemalol foydalanishlari mumkin. Mazkur BXMda yuridik shaxslar uchun hisob raqam ochish, turli kreditlar rasmiylashtirish, onlayn banking amaliyotlari taqdim etiladi. Bundan tashqari, jismoniy shaxslarga esa plastik kartalar, mikroqarz, avtokreditlar ajratiladi. Shuningdek, mijozlar kassa amaliyotlaridan ham foydalanishlari mumkin.
Hurmatli mijozlar! Barchangizni quyidagi manzilda kutib qolamiz:
Toshkent viloyati Oqqo‘rg‘on tumani “Birlik” MFY “Oybek” ko‘chasi 3-uy.
Telefon: +99895 342-77-07
