“Trastbank” xususiy aksiyadorlik banki faoliyatida ochiqlik va shaffoflikni ta’minlashga ustuvor ahamiyat qaratib kelmoqda. Ommaviy axborot vositalari va blogerlar bilan yaqin hamkorlik aloqalarini yo‘lga qo‘yganligi shular jumlasidandir.
Moliya muassasasi mutasaddilarining OAVdagi chiqishlari, ijtimoiy tarmoqlardagi sahifalarida to‘g‘ridan-to‘g‘ri jonli efir orqali aksiyalar g‘oliblarini aniqlash jarayonlari namoyish etilishi yoki mijozlarni qiziqtirgan savollarga javob berilishi, yuborilgan murojaatlar o‘z vaqtida ko‘rib chiqilishi tizimli yo‘lga qo‘yilganligi bunga yaqqol misoldir.
27-iyun – Matbuot va ommaviy axborot vositalari xodimlari kuni munosabati bilan “Trastbank” xususiy aksiyadorlik banki mutasaddilari bir qator tahririyatlarda bo‘lib, jurnalist va blogerlarni kasb bayrami bilan tabrikladi.
Ularning mashaqqatli va sharafli mehnati yuksak qadrlanishi, istiqboldagi hamkorlik aloqalari yanada mustahkamlanishiga umid bildirdi. Qolaversa, Ona Vatan ravnaqi yo‘lida sadoqat bilan xizmat qilayotgan OAV vakillari va blogerlarga mustahkam sog‘lik hamda yuksak ijodiy parvozlar tilab, bankning qimmatbaho esdalik sovg‘alarini topshirdi.
