Bugun “Spartakiada” sport musobaqalarida murosasiz kechgan basketbol o‘yinlarini muxlislar yuqori kayfiyat bilan tomosha qilishdi. O‘z o‘rnida, ishtirokchilar ularning qo‘llab-quvvatlovidan kuch olib, halqaga ketma-ket to‘pni solishdi.
Yarim finalda Amaliyot boshqarmasi, “Namangan”, “Samarqand”, “Yakkasaroy” bank xizmatlari ofislarining bo‘ydorlari o‘zaro kuch sinashdi. Natija esa barcha uchun qiziq: “Namangan” va “Yakkasaroy” BXOlar finalda o‘yinni davom ettirdi.
Yakuniy bosqich ham qizg‘in tus oldi. Ishtirokchilarning shiddatli o‘yinlari, muxlislarining hayqiriqlari o‘zgacha shukuh bag‘ishladi.
Natijalarga ko‘ra, shohsupaning birinchi pog‘onasidan “Yakkasaroy” BXO jamoasi joy oldi. Ikkinchi o‘rinni “Namangan” BXO, uchinchi o‘rinni esa “Samarqand” BXO egalladi.
