Joriy yilning 23 mart kuni Prezidentimizning “Bank xizmatlari ommabopligini oshirish bo‘yicha qo‘shimcha chora-tadbirlar to‘g‘risidagi” qarori imzolanib, ushbu qaror ijrosini ta’minlash maqsadidaRespublika Markaziy banki tomonidan “Bank xizmatlari iste’molchilari bilan o‘zaro munosabatlarni amalga oshirishda tijorat banklarining faoliyatiga qo‘yiladigan minimal talablar” to‘g‘risidagi nizom ishlab chiqildi.
Nizom talablari ijrosini ta’minlash,bank va mijoz aloqalarini yanada mustahkamlash, bankda faoliyat yurituvchi xodimlarni yagona maqsad sari yetaklay olish malakalarini shakllantirish, qolaversa bank xodimlarining bilim va malakalarini doimiy oshirib borish hamda ustoz-shogird an’analarini qayta tiklagan holda yuqori malakali kadrlarni tayyorlash maqsadida, “Trastbank” xususiy aksiyadorlik bankida joriy yilning 15 martidan boshlab “Bank o‘quv markazi” o‘z faoliyatini boshladi.
Bugun mazkur “Bank o‘quv markazi” tomonidan tashkil etilgan “Bank iste’molchilari bilan o‘zaro munosabatlarni amalga oshirish, mijozlarga xizmat ko‘rsatish madaniyati va nizolar bilan ishlash, mijozlar bilan ishlashdagi amaliy mahorat sirlari” mavzuidagi2 kunlik seminar-trening o‘z ishini boshladi.
“Bank o‘quv markazi” hamda Jismoniy va yuridik shaxslarning murojaatlari bilan ishlash va nazorat qilish departamenti tomonidan tashkil etilgan seminar-treningda biznes-konsultant Nailya Mamayeva, bankning barcha filiallarida murojaatlar bilan ishlash sohasidafaoliyat yurituvchi mas’ul xodimlar hamda resepshn-administratorlariga mijozlar bilan o‘zaro munosabatlarni amalga oshirish jarayonida kelib chiquvchi nozolar bilan ishlash va tanqidga munosabat bildirish borasida trening o‘tmoqda.
-Bugungi rivojlanish sharoitida banklarning raqobatbardoshligi, eng avvalo, unda faoliyat yuritayotgan xodimlar malakasi bilan ta’minlanadi, - deydi “Trastbank” xususiy aksiyadorlik banki o‘quv markazi direktori Qobiljon Jo‘rayev. – Shu bois bankimizda kadrlar malakasini oshirishga jiddiy e’tibor qaratib kelinmoqda.
Darhaqiqat, “Trastbank” tizimida xodimlar malakasini oshirish va samaradorlikka erishish maqsadida izchil sa’y-harakatlar olib borilmoqda. Jumladan, Bank Moliya akademiyasi va O‘zbekiston Milliy universiteti dotsent-professorlari bilan hamkorlikda doimiy ravishda o‘quv seminarlar tashkil etilishi yo‘lga qo‘yilgan.
Malaka oshirish seminarlarining o‘quv dasturlari bank Bosh ofisi tarkibiy tuzilmalari rahbarlari bilan kelishilgan holda respublika Prezidenti farmon va qarorlari, hukumatimiz hamda Markaziy bank tomonidan qabul qilingan turli me’yoriy-huquqiy hujjatlar asosida tashkil etiladi.
Xususan, bugun o‘z ishini boshlagan seminar-treningimiz Yurtboshimiz tomonidan joriy yilning 23 mart kuni tasdiqlangan “Bank xizmatlari ommabopligini oshirish bo‘yicha qo‘shimcha chora-tadbirlar to‘g‘risidagi” qarori hamda “Fuqarolarning murojaatlari to‘g‘risida”gi O‘zbekiston Respublikasi Qonunining mazmun-mohiyatidan kelib chiqib, “Mijozlarga xizmat ko‘rsatishda muomala odobi” mavzusi asosida turli amaliy mashg‘ulotlar olib borilishi yo‘lga qo‘yilgan”, - deya so‘zini yakunladi Qobiljon Jo‘rayev.
“Bank iste’molchilari bilan o‘zaro munosabatlarni amalga oshirish, mijozlarga xizmat ko‘rsatish madaniyati va nizolar bilan ishlash, mijozlar bilan ishlashdagi amaliy mahorat sirlari” mavzuidagi seminar o‘z ishini davom ettirmoqda.
