Xabar berib borayotganimizdek, shu kunlarda Saudiya Arabistonining Jidda shahrida Islom taraqqiyot banki tomonidan xususiy sektor bo‘yicha xalqaro forum o‘tkazilmoqda. Unda “Trastbank” xususiy aksiyadorlik banki Boshqaruv Raisi S.Normuxamedov boshchiligidagi delegatsiya aʼzolari ishtirok etib, bir qator rasmiy uchrashuv va muzokaralar o‘tkazmoqda.
Ushbu nufuzli xalqaro forumda “Trastbank” xususiy aksiyadorlik banki faoliyati alohida eʼtirof etildi. Yaʼni, “Trastbank”ning hududlarda aholi tadbirkorligini yanada kengaytirish, yangi ish o‘rinlari yaratilishi borasidagi saʼy-harakatlari xalqaro hamkorlar tomonidan yuqori baholandi.
Jumladan, Xalqaro islom savdo-moliya korporatsiyasi tomonidan “Trastbank” kichik va o‘rta biznes yo‘nalishida eng yaxshi hamkor” deb eʼtirof etildi.
Forumda doirasida o‘tkazilgan tantanali tadbirda ushbu mukofotni Islom taraqqiyot banki raisi Dr. Muhammad Sulaiman Al Jasser hamda Xalqaro islom Savdo-moliya korporatsiyasi bosh ijrochi direktori Hani Salem Sonbol “Trastbank” xususiy aksiyadorlik banki Boshqaruv Raisi S.Normuxamedovga topshirdi.
