Размер шрифта: A A
Цвет сайта: A A A A
Mobil talqin
1287, +998 78 140-00-88
Ishonch telefoni
+998 71 207-36-45
Ish tartibi: DU-JU 09:00-18:00
Call center
1287,
+998 78 140-00-88
Ish tartibi: DU-JU 09:00-18:00
Aktsiyadorlarga tezkor bog'lanish
+998 78 140-00-88
Ish tartibi: DU-JU 09:00-18:00
Saytga kirish

“Trastbank”ning islom shariatlari asosida moliyaviy xizmat ko‘rsatadigan “Trast Muamalat” kompaniyasi o‘z faoliyatini boshladi

Yangilangan sana: 3 Fevral 2023, 11:35
“Trastbank”ning islom shariatlari asosida moliyaviy xizmat ko‘rsatadigan “Trast Muamalat” kompaniyasi o‘z faoliyatini boshladi
10 Yan 2023

 O‘zbekiston Respublikasi Prezidentining 2019-yil 5-martdagi “Islom taraqqiyot banki guruhi va Arab muvofiqlashtirish guruhi jamg‘armalari bilan sheriklikni yanada kengaytirish va chuqurlashtirish chora-tadbirlari to‘g‘risida”gi qarori qabul qilingan bo‘lib, O‘zbekiston Respublikasi bank sektoriga islomiy moliyalashtirish infratuzilmasini rivojlantirish doirasida Xususiy Sektorni Rivojlantirish bo‘yicha Islom Korporatsiyasining maslahat yordamini jalb qilish belgilangan.

2.jpg

 Qolaversa, Vazirlar Mahkamasining 2019-yil 23-maydagi “Islom taraqqiyot banki guruhi va Arab muvofiqlashtirish guruhi jamg‘armalari bilan hamkorlikni yanada rivojlantirish chora-tadbirlari to‘g‘risida”gi qarorida ham Islom taraqqiyot banki guruhi va Arab muvofiqlashtirish guruhi bilan hamkorlikni yanada kengaytirish masalalariga urg‘u berilgan.

3.jpg

 Mazkur qarorlar ijrosini ta’minlash maqsadida 2019-yil 22-avgust kuni “Trastbank” xususiy aksiyadorlik banki va Xususiy Sektorni Rivojlantirish bo‘yicha Islom Korporatsiyasi (ICD) o‘rtasida “Maslahat yordami to‘g‘risida”gi shartnoma imzolandi. Unga ko‘ra, bank tizimiga “Islom darchasi” xizmatlarini joriy etish rejalashtirilmoqda. Bu esa, o‘z navbatida, hamkorlik va shariat shartlari asosida kichik va o‘rta biznesni moliyalashtirishga xizmat qiladi.

4.jpg

 Bundan tashqari, bu borada xodimlarning bilim va ko‘nikmasini boyitish kabi masalalarga ham ustuvor ahamiyat qaratildi. Shu jumladan, Bank xodimlarining bilim va malakasini oshirish maqsadida ICD va Islom taraqqiyot banki guruhiga kiruvchi Islom ilmiy-tadqiqot va o‘quv instituti (IRTI) mutaxassislari ishtirokida islomiy moliyalashtirish xizmatlarini joriy etish bo‘yicha amaliy mashg‘ulotlar o‘tkazildi. Mazkur o‘quv seminarlarini muvaffaqiyatli tamomlagan “Trastbank”ning 30 nafar xodimiga Islom taraqqiyot banki ta’lim muassasasining maxsus sertifikatlari topshirildi.

5.jpg

 Yana bir jihat. Loyihani muvaffaqiyatli amalga oshirish uchun ICDning tavsiyasiga binoan “Trastbank” XAB yetakchi islom bankining dasturiy ta’minot kompaniyalaridan biri Iordaniyaning ICS Financial Systems kompaniyasi bilan shartnoma tuzdi. Dasturiy ta’minotning imkoniyatlari va funksionalligini o‘rganish maqsadida ICSFS mutaxassislari bank xodimlari uchun uch oylik amaliy mashg‘ulotlar o‘tkazdilar.

6.jpg

 Albatta, bu kabi sa’y-harakatlar, o‘zaro hamkorlik aloqalari o‘zining ijobiy samarasini bermoqda. Xususan, yurtdoshlarimizga islom shariatlari asosida moliyaviy xizmatlarni ko‘rsatishga zamin yaratadi.

 2023-yil 10-yanvar kuni “Trastbank” xususiy aksiyadorlik banki sho‘ba lizing kompaniyasi – “Trast Muamalat” mas’uliyati cheklangan jamiyatining ochilish marosimi bo‘lib o‘tdi. Unda “Trastbank” XAB rahbariyati, Xususiy sektorni rivojlantirish bo‘yicha Islom korporatsiyasi Sarmoyaga investitsiya kiritish departamenti Maslahat-xizmat bo‘limi bosh mutaxassisi Muzaffar Nizamiddinov, jamoatchilik vakillari hamda ommaviy axborot vositalari xodimlari ishtirok etdi.

9.jpg

 Ta’kidlanganidek, “Trast Muamalat” MChJning asosiy vazifasi amaldagi qonunchilik doirasida samarali “Murabaha (Nasiya savdo)” va “Ijara (Lizing)” operatsiyalarini amalga oshirish orqali moliyaviy xizmatlarni kengaytirish strategiyasini amalga oshirish, shuningdek, xalqaro islom moliya institutlari bilan hamkorlikni kengaytirishdan iborat.

7.jpg

 “Trastbank”ning Islom taraqqiyot banki (ITB) guruhi bilan uzoq muddatli muvaffaqiyatli hamkorligi “Trast Muamalat” MChJga ITB korporatsiyalarining moliyalashtirish liniyalarini jalb qilish imkonini beradi. Qolaversa, rivojlanishning ushbu bosqichi kompaniyaga jismoniy shaxslar, kichik va o‘rta biznes loyihalarini moliyalashtirish, ularning faoliyatini kengaytirish va yangi ish o‘rinlari yaratilishiga turtki bo‘ladi.

8.jpg

 Shuningdek, Kompaniya amaldagi huquqiy sharoitda taklif etilishi rejalashtirilgan shariatga mos moliyaviy mahsulotlarni o‘rganish va joriy etish bilan shug‘ullanadi.

Manba: ko'rsatilmagan / Ko'rishlar: 3329

Boshqa yangiliklar:

6 Fevral 2023
6 Fevral 2023
6 Fevral 2023
3 Fevral 2023
Belgilangan matnni tinglash uchun quyidagi tugmani bosing Powered by GSpeech