Joriy yilning 20 yanvar kuni «Trastbank» xususiy aksiyadorlik banki Bosh ofisida Bank O‘quv markazi va Tashqi iqtisodiy faoliyat va valyuta operatsiyalari departamenti bilan hamkorlikda Amaliyot boshqarmasi va filiallarning tashqi iqtisodiy aloqalar bo‘limlari xodimlari uchun “Tashqi savdo faoliyati va valyuta operatsiyalarini amalga oshirish” mavzusida o‘quv seminar tashkil etildi.
Seminarda so‘zga chiqqan Tashqi iqtisodiy faoliyat va valyuta operatsiyalari departamenti direktori Vyacheslav Pay xodimlarning kasbiy salohiyatlarini rivojlantirish, odob-ahloq qoidalariga rioya qilish, bank imijiga qo‘yiladigan talablarga muvofiq bank xodimining mijozlarga xizmat ko‘rsatishi va 2021 yil uchun tasdiqlangan biznes-reja parametrlarining bajarilishiga alohida to‘xtalib o‘tdi.
Shuningdek, mijozlarga ko‘rsatiladigan xizmatlar uchun bank komissiyalari undirish, qo‘shimcha bank xizmatlarini ko‘rsatish, xizmat ko‘rsatish sifati va tezligini oshirish orqali samaradorlik ko‘rsatkichlarini oshirish, tashqi iqtisodiy faoliyat bilan shug‘ullanuvchi yangi korporativ mijozlarni jalb qilish bo‘yicha tegishli ishlarni olib borish orqali mijozlar bazasini kengaytirish, jumladan savdoni moliyalashtirish va valyuta operatsiyalari sohasida moslashtirilgan moliyaviy yechimlarni taklif qilish orqali mijozlarga xizmat ko‘rsatish sifatini rivojlantirish kabi masalalar keng yoritildi.