Joriy yilda bo‘lib o‘tadigan Oliy Majlis Qonunchilik palatasi va mahalliy Kengashlarga saylovlarning oldingisidan keskin farqi bor. Bu yilgi saylov kompaniyasiga “Yangi O‘zbekiston - Yangi saylovlar” shiori ostida start berildi.
Bugun 15 noyabr kuni “Trastbank” xususiy aksiyadorlik banki Bosh ofisida Bank O‘quv markazi hamda Shayxontohur tumani Ma’naviyat va ma’rifat markazi hamkorligida O‘zbekiston Xalq demokratik partiyasi Shayxontoxur tumani Kengash raisi Abdullayeva Iroda Daronovna bilan uchrashuv bo‘lib o‘tdi. Uchrashuvda Bosh ofis va Amaliyot boshqarmasi xodimlari va mutaxassislar ishtirok etdi.
Tadbirda mamlakatimiz muhim siyosiy jarayonlar arafasida ekanligi, 22 dekabr kuni parlament va xalq deputatlari mahalliy kengashlariga o‘tkaziladigan saylovlarda qaysi sohada faoliyat yuritishidan qat’i nazar har bir fuqoro faol ishtirok etishi lozimligi ta’kidlandi.
Qayd etildiki, bu yilgi saylovlarning “Yangi O‘zbekiston - Yangi saylovlar” shiori ostida o‘tkazilishida chuqur ma’no bor. Mazkur saylovlarning natijasi va yakunlari yangilanayotgan O‘zbekistonning taqdiri uchun juda dolzarb ahamiyatga ega.
Uchrashuv bank xodimlarlarining saylov qonunchiligi borasida bilim va ko‘nikmalarini oshirish maqsadida tashkil etilib, unda qatnashchilar yangi Saylov Kodeksi mazmuni bilan yaqindan tanishtirildi.
Uchrashuv yakunida “Trastbank” xodimlari o‘zlarini qiziqtirgan savollarga javob olish imkoniga ega bo‘ldilar.