Ma’lumki, respublikada amalda bo‘lgan Markaziy bankning banklararo to‘lov tizimi bank mijozlarining asosan “yirik” to‘lovlarini yalpi (har bir to‘lovlar bo‘yicha alohida) hisob-kitoblar asosida qayta ishlash, shuningdek, Kliring tizimi orqali “chakana” to‘lovlarni tizim a’zolarining har bir moliyaviy operatsiyalari bo‘yicha ma’lum bir davr mobaynidagi yig‘ilgan talablari va majburiyatlarining sof pozitsiyasini aniqlagan holda amalga oshirish imkoniyatini yaratadi.
O‘tgan davrda Markaziy bankning banklararo elektron to‘lov tizimini takomillashtirish, tizim a’zolari va foydalanuvchilari uchun ilg‘or texnologiyalar asosida xizmat ko‘rsatish borasida ham muayyan ishlar amalga oshirildi. Jumladan, Respublika Markaziy banki tomonidan 2018 yildan boshlab yangi tahrirdagi “Yagona vakillik hisobvaraqlar hisob-kitob markazi” dasturiy majmuasi amaliyotga joriy qilingan bo‘lib, dasturiy majmuada to‘lov hujjatlarini real vaqt rejimida ham, «seans»lar asosida fayl rejimida ham ishlov berish mexanizmi ishga tushirildi.
O‘zbekiston Respublikasida to‘lov tizimi bo‘yicha qisqacha ma’lumot (PDF 825 КБ)
