“Trastbank” xususiy aksiyadorlik bankida mijozlarga ko‘rsatilayotgan xizmat sifatining tashqi marketing kompaniyasi tomonidan “Sirli mijoz” usluli orqali doimiy baholab borish tizimi yo‘lga qo‘yilgan.
Bu esa xizmat ko‘rsatish jarayonidagi mavjud kamchiliklarni bartaraf etish va mijozlarga xizmat ko‘rsatish sifatini yana-da oshirishda muhim ahamiyat kasb etadi.
Yaqinda “Trastbank” XAB Yakkasaroy, Bektemir, Farg‘ona, Namangan va Andijon filiallari xodimlari uchun mijozlarga xizmat ko‘rsatish sifatini baholash bo‘yicha “Sirli mijoz” usuli yordamida o‘tkazilgan o‘rganish natijalari yuzasidan amaliy seminar tashkil etildi. Unda faoliyat yuritayotgan xodimlar tomonidan yo‘l qo‘yilgan kamchiliklar va ijobiy jihatlarga urg‘u berildi. Shuningdek, bu borada zarur tushuncha va tavsiyalar berildi.
Shu o‘rinda taʼkidlash joizki, Bank mijozlariga xizmat ko‘rsatish darajasining doimiy baholab borilishi ko‘rsatilayotgan xizmatlar sifatini yanada oshirish hamda mijozlar ishonchini oqlashda muhim asos hisoblanadi.