2023-yil 15-may kuni “Trastbank” xususiy aksiyadorlik banki Boshqaruvining 2023-yil 18-apreldagi 87-sonli qarori ijrosini ta’minlash hamda korrupsiyaga qarshi kurashish, manfaatlar to‘qnashuvi bilan bog‘liq holatlarning oldini olish borasida “Trastbank” XAB rahbar va xodimlari uchun navbatdagi seminar-trening bo‘lib o‘tdi.
Unda O‘zbekiston Respublikasi Huquqni muhofaza qilish akademiyasi Korrupsiyaga qarshi kurashish ilmiy-markazi katta prokurori Xudoyberdi Tursunbekov tomonidan taqdimot qilinib, mamlakatimizda korrupsiyaga qarshi kurashish bo‘yicha amalga oshirilayotgan chora-tadbirlar xususida to‘xtaldi.
Bundan tashqari, seminar ishtirokchilariga davlat xizmatida, shu jumladan, bank tizimida manfaatlar to‘qnashuvi shakllari va oqibatlari hamda uni bartaraf etishning huquqiy asoslari va amaliy jihatlari haqida batafsil ma’lumot berildi.
