Xabaringiz bor, joriy yilning 21-may kuni Namangan shahrida 62-an’anaviy “Xalqaro gullar festivali”ga start berildi. Bir oy mobaynida davom etadigan ushbu nafosat bayramining yildan yilga nufuzi ortib, mahalliy aholi va sayyohlar orasida juda katta qiziqish uyg‘otmoqda.
Mazkur go‘zallik ayyomini o‘tkazish uchun Namangan shahridagi istirohat bog‘lari va shahar ko‘chalariga 36 millon tup mavsumiy gul ko‘chatlari ekilgan bo‘lib, namanganliklar butun shaharni anvoyi gullarga burkab, tabiat va inson qo‘l mehnati bilan yaratayotgan go‘zallikni namoyish qilish orqali festival mehmonlarini lol qoldirmoqda.
Shuningdek, an’anaga muvofiq moliya muassasalari ham festivalda ishtirok etmoqda. Xususan, shahar markazidagi “Bobur” bog‘ida “Trastbak” XAB tomonidan tashkil qilingan unutilmas manzaralar hamda gullar kompozitsiyalari mehmonlarga unutilmas taassurotlarni tuhfa qilmoqda, desak mubolag‘a emas.
Umuman olganda, bir oy davom etadigan ushbu festival gul ixlosmandlari va qadriyatlarni qadrlovchilar uchun hayajonli taassurot va takrorlanmas xotiralarni in’om etmoqda.
Aziz yurtdoshlar, qadrli mijozlar! Siz ham ana shunday go‘zallikdan bahramand bo‘lishni istasangiz Namangan shahrida o‘tkazilayotgan “Xalqaro gullar festivali”ga tashrif buyuring.