Maʼlumki, yangi koronavirus infeksiyasi mamlakatimizning ko‘plab hududlarida tarqalmoqda. Kasallikni nazorat qilish va holatlar soni ko‘payishining oldini olish maqsadida tijorat banklari tomonidan onlayn bank xizmatlari joriy etish choralari ko‘rilmoqda.
“Trastbank” xususiy aksiyadorlik banki ham ushbu vaziyatda zaruriy sanitariya-gigiyena choralarini ko‘rib ishlayotganiga qaramay, o‘z mijozlarini ogoh bo‘lishga va uyda qolishlariga chaqiradi hamda o‘z mijozlariga yana-da qulaylik yaratish, masofadan turib bank xizmatlaridan foydalangan holda o‘z muammolarini hal qilishlari mumkinligini maʼlum qiladi.
Joriy yilning 10-aprelidan boshlab Trastbank mijozlari o‘zlarining Uzsard plastik kartalari raqamini Rossiya, MDH davlatlari va chet mamlakatlarda istiqomat qilayotgan yaqinlariga maʼlum qilgan holda SONTAST va Unistream tizimi orqali onlayn xalqaro pul o‘tkazmalarini qabul qilib olish imkoniyatiga ega bo‘ldilar.
Endi pul o‘tkazmasini olish uchun Trastbank filiallariga borish shart emas. Buning uchun o‘z yaqinlaringizga Trastbankda ochilgan Uzsard plastik kartangiz raqamini maʼlum qilasiz hamda yaqinlaringiz SONTAST va Unistream xalqaro pul o‘tkazmalarining xizmat ko‘rsatish shoxobchalari orqali sizga pul jo‘natishlari mumkin.
Bankning ushbu xizmati pul o‘tkazmasini qabul qilib oluvchilarga xavfsiz va qulay bo‘lib, mijoz uydan chiqmay mablag‘ni qabul qilishi uchun imkoniyat yaratadi.
