“Trastbank” xususiy aksiyadorlik banki Bosh ofisida moliya muassasasining Xotin-qizlar qo‘mitasi tomonidan seminar o‘tkazildi. “Mening samarali yilim: muvaffaqiyatli yakunlash va yangi maqsadlar uchun energiyani jamlash” mavzusida bo‘lib o‘tgan ushbu tadbirda Xalqaro Kouch va trenerlar assotsiatsiyasi a’zosi, samaradorlikni oshirish bo‘yicha kouch, biznes-trener Dildora Hasanova tomonidan taqdimot qilindi.
Seminarda joriy yilda Bankning Xotin-qizlar qo‘mitasi tomonidan amalga oshirilgan ishlar samadorligi tahlil qilindi va kelgusi yildagi rejalarga urg‘u berildi. Interaktiv taqdimot orqali ishtirokchilar ushbu yilda qaysi voqealar, qarorlar, insonlar va ichki holatlar ularga kuch bergani yoki aksincha energiyasini olganini anglab oldilar.
Bundan tashqari, xotin-qizlarning odatlari hamda kundalik muvozanatiga ta’sir qiluvchi omillar ko‘rib chiqildi. Shuningdek, ishtirokchilarni qiziqtirgan savollarga mutaxassis tomonidan batafsil javob qaytarildi.
