Joriy yilning 21–31-oktabr kunlari O‘zbekiston Respublikasi Markaziy banki tashabbusi bilan mamlakatimizda “Butunjahon jamg‘arish kuni” (World savings day) haftaligi o‘tkazilmoqda. Mazkur haftalik doirasida “Trastbank” xususiy aksiyadorlik banki tomonidan ham bir qator tadbirlar amalga oshirilmoqda. Bosh ofis va “Raqamli” bank xizmatlari ofisida Toshkent davlat iqtisodiyot universiteti talabalari uchun tashkil etilgan ochiq dars shular jumlasidandir.
“Jamg‘arish – moliyaviy erkinlik kaliti” mavzusida bo‘lib o‘tgan ushbu ochiq darsda “Trastbank” XAB mutaxassislari tomonidan taqdimotlar qilindi. Xususan, jamg‘arma turlari va shakllari, onlayn omonatlar rasmiylashtirish yuzasidan so‘z yuritildi. Bundan tashqari, bank kartalari va moliyaviy xavfsizlik hamda bugungi kunning dolzarb masalalaridan sanalayotgan kiberxavfsizlikka urg‘u berildi.
Interaktiv o‘yinlarga boy tarzda o‘tgan ochiq darsda talaba-yoshlarni qiziqtirgan savollarga atroflicha javob qaytarildi. Shuningdek, faol ishtirok etganlar bankning esdalik sovg‘alari bilan taqdirlandi.
#worldsavingsday #finlituzb #trustbankuz #trastbankuz
