Seminar Bankning Tashqi iqtisodiy faoliyat va valyuta operatsiyalari departamenti tomonidan Bankning Buxgalteriya hisobi va hisoboti hamda G‘aznachilik departamentlari bilan hamkorlikda filial xodimlarining malakasini oshirish maqsadida tashkil etildi.
Mazkur seminarda tashqi iqtisodiy faoliyat va valyuta operatsiyalarini amalga oshirish bo‘yicha faoliyat yurituvchi barcha mutaxassislar ishtirok etdilar.
Seminar bir-necha bosqichlardan iborat bo‘lib, har bir bosqich mavzusiga ko‘ra keng yoritildi va amaliy mashg‘ulotlar, savol-javoblar bilan jonli tarzda o‘tkazildi. Seminarda asosan valyuta operatsiyalari bo‘yicha hisobotlarni tayyorlash, mijozlarning mablag‘larini erkin muomaladagi valyutaga konvertatsiya qilishni amalga oshirish va valyuta mablag‘ining maqsadli ishlatilishini nazorat qilish, chet el valyutasidagi operatsiyalarni buxgalteriya hisobida aks ettirish, bank mijozlari tomonidan amalga oshirilgan to‘lovlar uchun vositachilik haqini undirish va filial daromadiga kirim qilish, valyutaviy svop operatsiyalarini amalga oshirish, xorijiy valyutadagi xujjatli amaliyotlar: akkreditivlar, bank kafolatlari va to‘lovlar kabi masalalar keng yoritildi.
Bank axborot xizmati
