Shu kunlarda O‘zbekiston Respublikasi Markaziy banki tashabbusi bilan “Moliyaviy savodxonlik oyligi” o‘quv dasturi doirasida “Umumjahon pul haftaligi 2024” (Global money week 2024) tadbirlari o‘tkazilmoqda.Fargʻona shahar 40-IDUM “Parvoz” maktabida “Trastbank” xususiy aksiyadorlik banki bilan hamkorlikda “Umumjahon pul haftaligi” (Global Money Week) doirasida bir qator tadbirlar oʻtkazildi. Unda 9-sinf oʻquvchilari uch guruhga bo‘linib, o‘zaro bellashishdi. O‘quvchilar pul-kredit siyosati, mablag‘larni jamg‘arib borish va ularni maqsadli ishlatish, kredit mahsulotlarini rasmiylashtirish hamda raqamli moliyaviy savodxonlikka oid shartlarga quvnoqlik va zukkolik bilan javob berishdi.Ta’kidlash joizki, bu kabi tadbirlar oʻsib kelayotgan yosh avlodning moliya-iqtisod borasidagi savodxonligini oshirish, yoshlarni raqamli bank bilan bogʻliq firibgarlik jinoyatlaridan ogoh etish kabi maqsadlarga ham zamin yaratadi.Shuningdek, tadbirda faol qatnashgan ishtirokchilarga “Trastbank” XABning esdalik sovg‘alari topshirildi.
#trastbankuz #trustbankuz #trustbank30yil #finlituzb #globalmoneyweek #umumjahonpulhaftaligi