“Trastbank” xususiy aksiyadorlik bankida O‘zbekiston Respublikasi Mustaqilligining 31 yilligiga bag‘ishlab “Yangi O‘zbekistonda inson qadr-qimmati va manfaatlari oliy qadriyatdir” mavzusida ma’naviy-ma’rifiy tadbir bo‘lib o‘tdi.
Unda moliya muassasasi Bosh ofisi mutasaddilari, shuningdek, videokonferensaloqa orqali filiallar mas’ullari va xodimlari ishtirok etdi.
Tadbirda Respublika Ma’naviyat va ma’rifat markazi eksperti, “Ma’rifat” targ‘ibot jamiyati a’zosi, falsafa fanlari doktori, professor Jamila Shermuhamedova qatnashib, bugungi tinch-osoyishta va erkin hayotimizning qadriga yetish hamda uni himoya qilish, shukronalik tuyg‘usi bilan yashash, inson sha’ni va qadr-qimmatini yuksaltirishga da’vat etdi. Aynan mustaqillik milliy urf-odatlarimiz, qadriyat va dinimiz, or-nomusimiz, qadr-qimmatimiz tiklanishiga keng yo‘l ochib berganini alohida ta’kidladi.