“Trastbank” xususiy aksiyadorlik banki Islom taraqqiyot banki guruhiga kiruvchi Xususiy Sektorni Rivojlantirish bo‘yicha Islom Korporatsiyasi va Xalqaro Islom Savdo-Moliya Korporatsiyasi hamda xalqaro moliya institutlarining kredit liniyalari va maqsadli moliyalashtiriladigan akkreditiv operatsiyalari bilan loyihalarni moliyalashtirishni takomillashtirib bormoqda.
Ushbu xorijiy liniyalarning jozibadorligini oshirish, mijozlarga sifatli bank xizmatlarini ko‘rsatish, loyihalarni puxta o‘rganish va amalga oshirish muhim ahamiyat kasb etadi. Shu jihatdan, xodimlarning bu boradagi malakasini oshirib borishi maqsadga muvofiq.
2023-yil 12-sentabr kuni “Trastbank” XAB Loyihalarni xorijiy kredit liniyasi hisobidan moliyalashtirish boshqarmasi hamda Tashqi iqtisodiy faoliyat va valyuta operatsiyalari departamenti tomonidan filiallarda faoliyat yuritayotgan kreditlash va moliyalashtirish bo‘limi hamda valyuta operatsiyalari bo‘limi xodimlari uchun “Loyihalarni moliyalashtirish hamda monitoring qilish” mavzusida o‘quv seminari o‘tkazildi. Unda bankimizda loyihalarni xorijiy kredit liniyalari hisobidan moliyalashtirishning akkredetiv operatsiyalari, Islom korporatsiyasi liniyasi resurslari hisobidan moliyalashtiriladigan loyihalarni puxta o‘rganib tahlil qilish va monitoring qilish yuzasidan tushunchalar berildi.
Shuningdek, seminar davomida xodimlarni qiziqtirgan savollarga atroflicha javob berildi.
Ta’kidlash joizki, mazkur o‘quv seminari bank filiallarida ushbu yo‘nalishdagi ishlarni tizimli amalga oshirish hamda xodimlarning malaka oshirishiga xizmat qiladi.
