“Trastbank” xususiy aksiyadorlik banki Oʻquv markazi tomonidan 2021-yil 27-aprel kuni Termiz filialida “Xitoy bank infratuzilmasining rivojlanish tajribasi” mavzusida onlayn seminar oʻtkazildi.
Tashkil etilgan seminarda, filialning Tashqi iqtisodiy aloqalar boʻlimi boshligʻi I.Nazarov Xitoy Xalq Respublikasidagi banklar tarixi hamda hozirgi kundagi rivojlanish segmentlari, bank tizimining turlari, strategik-investitsion davlat banklari, tijorat banklari, hozirgi kunda Xitoy banklarining asosiy koʻrsatkichlari, bank xizmatlari, bankomatlarning ishlash tartibi, umumiy aktivlar, kredit masalalari, onlayn tizimidagi bank xizmatlari shuningdek, xitoy xalqining banklarga boʻlgan ishonchi hamda banklardan foydalanish qobiliyati haqida soʻz yuritdi.
Shu bilan bir qatorda Xitoy banklarining Oʻzbekiston banklariga mos keladigan jihatlari yuzasidan qiyosiy dalillar keltirildi.
Termiz filiali tomonidan tashkillashtirilgan seminar mavzusi alohida oʻrganilganligi va aniq faktlar asosida yoritilganligi sababli, yakunlovchi qism savol-javob tarzida tashkil etilib, unda Bosh ofis va filiallardan xodimlar ishtirok etdi.