“Trastbank” xususiy aksiyadorlik banki tomonidan Nukus va Urganch shaharlarida Qoraqalpog‘iston Respublikasi hamda Xorazm viloyati birja savdolari ishtirokchilari va brokerlar uchun “Trastbank” tomonidan yaratilgan qulay bank mahsulotlari va xizmatlari borasida amaliy seminar o‘tkazildi.
Unda Bosh ofis mutasaddilari, “Xorazm” va “Nukus” bank xizmatlari markazlari mas’ullari, Respublika Tovar-xom ashyo birjasi hududiy bo‘linmalari rahbarlari, birja savdolarida ishtirok etuvchi korxonalar vakillari va brokerlar ishtirok etdi.
Amaliy seminarda Filiallar faoliyatini muvofiqlashtirish departamenti direktori O.Do‘stmuhammedov o‘z taqdimotida zamonaviy bank xizmatlari va mahsulotlari, milliy va xorijiy valyutadagi bank operatsiyalari haqida batafsil to‘xtalib o‘tdi.
Shuningdek, birja savdolari ishtirokchilari va brokerlar uchun qulay shartlarda ishlab chiqilgan milliy va xorijiy valyutadagi “UzEx” tarif rejalari, ularga mo‘ljallangan biznes hamda chakana kredit mahsulotlari bo‘yicha atroflicha maʼlumot berdi.
Tadbirda ishtirokchilarning bank mahsulotlari va xizmatlariga oid savollariga mas’ullar tomonida batafsil javob qaytarildi.