2022-yil 3-iyun kuni “Trastbank” xususiy aksiyadorlik banki rahbariyati Islom taraqqiyot banki guruhining 47-yillik yig‘ilishida ishtiroki doirasida Xususiy sektorni rivojlantirish bo‘yicha Islom korporatsiyasi bilan o‘zaro anglashuv Memorandumini imzoladi.
Mazkur hujjat hamkorlikni mustahkamlash va islom moliya vositalarini qo‘llash sohasida qo‘shma ishlarni yanada kengaytirish maqsadlariga qaratilgan.
Bundan tashqari, imzolash yakunlari boʻyicha Prezident janob Ayman Amin Sejini boshchiligidagi Xususiy sektorni rivojlantirish bo‘yicha Islom korporatsiyasi vakillari bilan toʻgʻridan-toʻgʻri muzokaralar o‘tkazildi. Unda birgalikda olib borilgan ishlar natijalari, bozordagi mavjud holat va ikki tuzilma o‘rtasidagi hamkorlikni yanada rivojlantirish masalalari muhokama qilindi.
Ta’kidlash joizki, “Trastbank” XAB va XSRIK o‘rtasidagi hamkorlik 2018-yilda boshlangan bo‘lib, bugungi kunga qadar jalb qilingan liniyalarning umumiy hajmi 17 million AQSH dollarini tashkil etadi.
Hozirda 20 million AQSH dollarigacha boʻlgan yangi moliyalashtirish liniyasini ajratish imkoniyatlari ustida ish olib borilmoqda.