Trastbank jamoasida kasbiy mahoratni oshirish, yangi bilimlarni o‘zlashtirishga doim alohida urg‘u berilgan. Bu galgi o‘quv-seminar Komplayens-nazorat departamenti tomonidan tashkil etildi.
Trastbankda ISO 3700:2016 xalqaro standart talablariga muvofiq korrupsiyaga qarshi kurashish sifat menejmenti tizimi joriy etilishi munosabati bilan xodimlarda mavzuga oid tasavvur hosil qilish, ko‘nikmalarini oshirish bo‘yicha o‘quv-seminari “CERT ACADEMY GROUP” mutaxassislarni o‘qitish xususiy korxonasi bilan hamkorlikda o‘tkazildi.
Seminarni “CERT ACADEMY” kompaniyasi treneri, yurist-huquqshunos Luqmanov Said-Abrorbek Boxodirovich Trastbank xodimlariga ISO (International Organization for Standardization) – standartlashtirish xalqaro tashkiloti tarixi, pora va uning ko‘rinishlari, xalqaro va mahalliy qonunchilik, turli davlatlarda korrupsiyaga qanday huquqiy baho berilishi va jazo qo‘llanishi to‘g‘risida ma’lumot berdi.
Seminar davomida ishtirokchilar ISO 37001 standarti:
- Bankda korrupsion tavakkallarni aniqlash va ularni minimal darajaga tushirish;
-
Mijozlar bilan shaffof munosabat qurish;Korrupsiyani ogohlantiruvchi, fosh etuvchi mexanizmlarni joriy qilish;
- TO‘G‘RI tanlov, o‘qitish va rag‘batlantirish tizimi orqali bankda korrupsiyaning har qanday turda namoyish bo‘lishiga xodimlar orasida murosasizlik muhitini yaratish kabi imkoniyatlarni berishi va boshqa bilimga ega bo‘ldi.
O‘quv-seminar so‘nggida har bir qatnashchi sertifikat bilan taqdirlandi.