Kuni kecha Ozarbayjon Respublikasi Boku shahrida VIII Xalqaro bank forumi (IBF-2024) bo‘lib o‘tdi. “Penki Kontinentai” kompaniyalar guruhi tomonidan tashkil etilgan ushbu tadbirda “Trastbank” xususiy aksiyadorlik banki Pul muomalasi va kassa ishini tashkil etish departamenti xodimlari ham ishtirok etdi.
“Ishonchli, xavfsiz va barqaror bank ishi” mavzusida o‘tkazilgan ushbu forum o‘zaro tajriba almashish, bilim va ko‘nikmalarni yanada boyitishga zamin yaratgani bilan ham ahamiyatli bo‘ldi.
Forumda bank tizimida qo‘llanilayotgan zamonaviy standartlarga urg‘u berildi. Xususan, “Cash Management IQ” tizimidan foydalangan holda xodimlar ish faoliyatini tahlil qilish hamda naqd pullarni samarali boshqarish uchun yaratilgan platformaning imkoniyatlari haqida ma’ruzalar qilindi.
Shuningdek, anjuman ishtirokchilari Ozarbayjon Respublikasining yirik banklaridan biri “Kapital Bank” OAJning kassa markaziga tashrif buyurib, ish jarayoni bilan tanishishdi.
Manba:
ko'rsatilmagan
/
Ko'rishlar:
181
