O‘zbekiston Respublikasi Prezidentining “Yoshlarga oid davlat siyosati samaradorligini oshirish va O‘zbekiston Yoshlar ittifoqi faoliyatini qo‘llab-quvvatlash to‘g‘risida”gi Farmoni hamda “O‘zbekiston Respublikasi Yoshlar ishlari agentligi faoliyatini tashkil etish to‘g‘risida”gi qarori ijrosini taʼminlash maqsadida “Trastbank” xususiy aksiyadorlik bankida bir qator chora-tadbirlar amalga oshirib kelinmoqda.Bugun 28-iyun kuni “Trastbank” XAB Bosh ofisida 30 iyun – “Yoshlar kuni” munosabati bilan tadbir bo‘lib o‘tdi. Unda moliya muassasasi Bosh ofisi hamda videokonferensaloqa tarzida hududlardagi bank xizmatlari ofislarida faoliyat yuritayotgan yoshlar ishtirok etdi.
Tadbirda moliya muassasasida yoshlar bilan ishlash borasida olib borilayotgan ishlar muhokama qilinib, Bankdagi Yoshlar ittifoqi Kengashi raisligiga nomzod tavsiya etildi. Ishtirokchilar tomonidan “Trastbank” XAB Yuridik departamentning bo‘lim boshlig‘i Baxtiyor Ergashev nomzodi maʼqullandi.
Shuningdek, yig‘ilishda joriy yilning ikkinchi yarmiga mo‘ljallangan rejalar, amalga oshiriladigan tadbirlarda yoshlarning faolligini taʼminlash, xususan, Bankning 30-yillik yubileyi munosabati bilan tashkillashtirilishi rejalashtirilgan Spartakiada o‘yinlarida yoshlarning faol ishtirok etishi muhimligi taʼkidlandi.

Manba:
ko'rsatilmagan
/
Ko'rishlar:
458