Bugun, 10-mart kuni «Trastbank» xususiy aksiyadorlik banki Amaliyot boshqarmasida moliya muassasasining Boshqaruv raisi o‘rinbosari K.Gabbazov tomonidan qabul o‘tkazildi.
Unda ishtirok etgan tadbirkorlik subyektlari va jismoniy shaxslar o‘z takliflari va qator masalalar bo‘yicha murojaatlarini bildirishdi.
Xususan, mikroqarz va avtokredit olish, bank tariflari, konvertatsiya va boshqa masalalar yuzasidan taklif va mulohazalar tinglandi. Shuningdek, qabulga kelgan fuqarolar o‘zlarini qiziqtirgan savollarga atroflicha javob oldi.
Taʼkidlash joizki, fuqarolar bilan muloqot qilish, ularning fikr va mulohazalarini tinglash bankning mijozlarga yaqin ekanligi va ularning ishonchini oqlab kelayotganidan darakdir.