Maʼlumki, 31-oktabr – Butun jahon jamg‘arish kuni (Word savings day) sifatida keng nishonlanib kelinadi. Aynan ushbu sana munosabati bilan aholining moliyaviy savodxonligini oshirishga qaratilgan turli ko‘rik-tanlovlar o‘tkazib kelinmoqda.
“Trastbank” xususiy aksiyadorlik banki Farg‘ona filiali tomonidan joriy yilning 4-noyabr kuni Furqat tumanining 25-26-27-28-29-30-sonli umumtaʼlim maktablari o‘rtasida “Moliyaviy savodxonlik” tanlovi o‘tkazildi. Unda “Trastbank” XAB Farg‘ona filiali mutasaddilari, Furqat tumani Xalq taʼlimi bo‘limi masʼullari, umumtaʼlim maktablarining o‘qituvchi va o‘quvchilari ishtirok etdi.
Tadbirda o‘quvchilar o‘z sahna ko‘rinishlarida pul malbag‘larini jamg‘arib borish, bank omonatlaridan foydalanish kabi mavzularni aks ettirishdi.
Bank tomonidan tanlovda g‘oliblikni qo‘lga kiritgan o‘quvchilarga qimmatbaho sovg‘alar berildi.
Shuningdek, har bir umumtaʼlim maktablariga pedagog xodimlar va o‘quvchilarning moliyaviy savodxonligini yanada oshirish maqsadida elektron kutubxona tizimi o‘rnatib berildi.
