“Trastbank” xususiy aksiyadorlik banki va Toshkent davlat iqtisodiyot universiteti o‘rtasida hamkorlik Memorandumi imzolangan bo‘lib, bank xodimlari ishtirokida professor-o‘qituvchi va talabalar uchun dolzarb mavzularga bag‘ishlangan mahorat darslari, o‘quv seminarlari o‘tkazib kelinadi. O‘z navbatida, talabalar moliya muassasasi faoliyati bilan yaqindan tanishish, stajirovka o‘tash va nazariyotda olgan bilimlarini bevosita bank xodimlaridan amaliy tajribada ko‘rish imkoniga egadirlar.
Yaqinda “Trastbank” xususiy aksiyadorlik bankida Toshkent davlat iqtisodiyot universiteti “Moliya” fakulteti bitiruvchi talabalarining bitiruv malakaviy ishi himoyasi bo‘lib o‘tdi. Unda “Trastbank” XAB mutasaddilari, TDIU professor o‘qituvchilari ishtirok etdi. Talabalar belgilangan tartibda bitiruv malakaviy ishlarini muvaffaqiyatli himoya qildi.
Komissiya aʼzolari bitiruvchi talabalarga ko‘rsatma va xulosalarini bildirib, istiqbolda o‘zlari tanlagan sohaning yetuk mutaxassisi bo‘lib yetishishlarini tiladi.
Manba:
ko'rsatilmagan
/
Ko'rishlar:
115
