2023-yil 16-mart kuni “Trastbank” XABda “Proxime Energy” MChJning quyosh panellarini o‘rnatish bo‘yicha taqdimoti bo‘lib o‘tdi.
Ta'kidlanganidek, bugungi kunda qayta tiklanadigan energiya manbalariga bo‘lgan talab ham oshmoqda.
Qayta tiklanuvchi energiya manbalarini keng joriy etish, energiya samaradorligini oshirish orqali energiya taqchilligi qoplanishini ta’minlash, bu boradagi ishlarni kompleks tashkil etish hamda investorlar uchun qulay sharoitlar va rag‘batlantirish mexanizmlarini joriy qilish maqsadida davlatimiz rahbarining 2023 yil 16 fevralda “2023-yilda qayta tiklanuvchi energiya manbalarini va energiya tejovchi texnologiyalarni joriy etishni jadallashtirish chora-tadbirlari to‘g‘risida”gi qarori qabul qilindi.
Mazkur hujjatda nazarda tutilgan vazifalar ijrosini ta'minlash maqsadida bir qator chora-tadbirlar amalga oshirilmoqda.
Tadbirda “Proxime Energy” kompaniyasi xodimlari o‘z mahsulotlari – shamolgeneratorlari va quyosh panellari haqida batafsil ma’lumot berib, bank xodimlarining qiziqtirgan savollariga batafsil javob berdilar.
Eslatib o‘tamiz, “Trastbank” XAB yuridik va jismoniy shaxslarga energiya tejovchi quyosh panellarini xarid qilish va o‘rnatish uchun kreditlar ajratmoqda.
