Joriy yilning 11 avgust kuni “Trastbank” xususiy aksiyadorlik banki va Davlat ixtisoslashtirilgan Rossiya Eksport-import banki (REM guruhiga kiruvchi Roseksimbank) o‘rtasida “Trastbank” XABga qisqa muddatli, o‘rta muddatli va uzoq muddatli moliyaviy resurslar ajratishga doir Hadlangan kredit bitimi imzolandi.
Ushbu kelishuv asosida «Trastbank» XAB korporativ mijozlariga «EKSAR» Eksport-Kredit agentligi tomonidan sug‘urta xarajatari qoplab beriladigan, Rossiya Federatsiyasi hududida ishlab chiqarilgan tovarlar, xizmatlar, xomashyo, materiallar, butlovchi buyumlar sotib olish va bajarilgan ishlar uchun to‘lovlarni amalga oshirish maqsadida moliyalashtirishni taklif qilish imkoniga ega bo‘ladi.
Mamlakatimiz bank tizimining ajralmas qismi hisoblanuvchi “Trastbank” xususiy aksiyadorlik banki, xalqaro moliya institutlari va xorijiy banklar bilan hamkorlik yo‘nalishlarini kengaytirish bo‘yicha faol choralarni ko‘rmoqda. Hadlangan kredit Bitimini imzolash bilan «Trastbank» XAB savdoni moliyalashtirish biznesini faollashtiradi, mijozlarning tashqi iqtisodiy loyihalarini qo‘llab-quvvatlash imkoniyatlarini kengaytiradi hamda O‘zbekiston Respublikasi va Rossiya Federatsiyasi bilan o‘zaro manfaatli sheriklik hamkorligini mustahkamlashda muhim rol o‘ynaydi.
Ma’lumot uchun: Davlat ixtisoslashtirilgan Rossiya Eksport-import banki (aksiyadorlik jamiyati) 1994 yilda tashkil etilgan bo‘lib, rivojlantirish moliyaviy instituti bo‘lib, Rossiya eksportini qo‘llab-quvvatlash eksport shartnomalari doirasida kompaniyalarga kreditlar ajratadi va ularning talablariga binoan turli xil kafolatlar beradi.
