Joriy yilning10 iyun kuni “Trastbank” Bosh binosi majlislar zalida “Bank aksiyadorlarining 2018 yil yakunlari”ga bag‘ishlangan navbatdagi umumiy yig‘ilishi bo‘lib o‘tdi. Yig‘ilishda yil yakunlari sarhisob qilingan holda kun tartibidagi masalalar yuzasidan aksiyadorlarga batafsil hisobot berildi.
Jumladan, bankning yillik hisobotini tasdiqlash, bank taftishchisi hisobotini eshitish, yil yakunlariga ko‘ra olingan sof foydani taqsimlash, Bank Kengashi va taftishchisini saylash hamda qonunchilikka o‘zgartirishlar kiritilishi munosabati bilan ichki normativ xujjatlarga o‘zgartirishlar kiritish kabi masalalar atroflicha muhokama qilindi.
Yig‘ilish davomida muhokama qilingan masalalar yuzasidan tegishli qarorlar qabul qilindi.