Bugun “Trastbank” xususiy aksiyadorlik banki maktab o‘quvchilarining moliyaviy savodxonligini oshirish va “Global Money Week-2020” tadbiri doirasida “Lider ta’lim” o‘quv muassasasining 5-6 sinf o‘quvchilari uchun ochiq eshiklar kunini tashkil etdi.
Ochiq eshiklar kunida bank mutaxassislari o‘quvchilarga qanday qilib pul topish, pulni sarflash va uni tejash, daromad olish imkoniyatlari, kredit va omonat turlari, valyuta ayirboshlash operatsiyalari, plastik karta turlari, bank tushunchasi, shuningdek qanday qilib to‘g‘ri moliyaviy qarorlar qabul qilish usullari haqida batafsil ma’lumotlar berishdi.
Shuningdek, tadbir davomida yosh avlodni to‘lov kartalaridan foydalanishning afzalliklari, naqd pulsiz to‘lovlarni amalga oshirishda xavfsizlik qoidalari, “Mobil bank”, “Internet Bank”, “SMS”-xabarlar va boshqa turdagi mobil to‘lov turlari bo‘yicha qo‘shimcha xizmatlarning imkoniyatlari bilan tanishtirildi.
Bu kabi tadbirlarning o‘tkazilishi kelgusida yoshlarning moliyaviy savodxon inson bo‘lib voyaga yetishiga zamin yaratadi.