Bugungi kunda banklar oldida turgan eng asosiy shartlardan biri bu mijozlar uchun sifatli bank xizmatlari taqdim etishdir. Shu maqsadda, joriy yilning 5-6 dekabr kunlari “Trastbank” xususiy aksiyadorlik banki Bosh ofisida barcha filiallarning bevosita ayirboshlash shoxobchalari masalasida faoliyat yurituvchi mas’ul xodimlari va mutaxassislari ishtirokida amaliy o‘quv-seminari tashkil etildi.
Seminarda psixolog Zarina Sultonmurodova mijozlar va hamkasblarning o‘zaro munosabatlaridagi o‘ziga xos jihatlari hamda stressli vaziyatlarda o‘zini tutish mahoratini oshirish haqida gapirdi.
Seminar davomida ayirboshlash shoxobchalari xodimlarining xulq-atvori va mijozlar bilan o‘zaro munosabatlarining nazariy hamda amaliy tamoyillari muhokama qilindi. Shuningdek, bank xodimlarining iqtidorini oshirish yo‘llari haqida so‘z yuritildi.
Interfaol uslubda tashkil etilgan seminar ishtirokchilarda katta taassurot qoldirish bilan birga, ularga moliyaviy bilimlarini oshirishga turtki bo‘ldi.