“Ahbor-Reyting” reyting agentligi ”Trastbank” xususiy aksiyadorlik banki kredit reyting monitoringi natijalariga ko‘ra, “Barqaror” prognozi bilan milliy shkala bo‘yicha “uzA+” darajada tasdiqladi.
"UzA+" reytingi bankning kreditga layoqatlilik darajasi juda YuQORI darajada ekanligini anglatadi, bu o‘z navbatida bank faoliyatining kredit tavakkalchiligining juda past darajasini aks ettiradi. "UzA +" reytingiga ega bo‘lgan bank - kreditorlar, omonatchilar va investorlar oldidagi o‘zining moliyaviy majburiyatlarini o‘z vaqtida va to‘liq bajarish uchun juda yuqori salohiyat bilan yondoshadi.
“Trastbank” xususiy aksiyadorlik bankiga berilgan mazkur reyting bahosi bankning tijorat tarmog‘i jadal rivojlanib, mavqei o‘sib borayotganini, e’tiborlilik darajasi va imidji yuqori ekanligini, xatarlarni boshqarish darajasi, likvidlilik pozitsiyasi puxta ekanligini va kapitallashuv holati maqbul ekanligini, shuningdek moliyaviy ko‘rsatkichlarni barqaror ravishda o‘sib borayotganligini aks ettiradi.