Ilk bor maktabga borish bu juda muhim va yodda qolarli voqea. Birinchi qo‘ng‘iroq jarangi esa har bir qalbga, ayniqsa, bilimlar xazinasi sari intilayotgan jajji bolajonlarga olam-olam quvonch baxsh etadi.
“Trastbank” xususiy aksiyadorlik banki tomonidan moliya muassasasining Bosh ofisi hamda Amaliyot boshqarmasida faoliyat yuritayotgan xodimlarning 2022-2023-o‘quv yilida 1-sinfga chiqadigan farzandlari uchun bayram tashkil etildi.
Unda “Trastbank” XAB Boshqaruvi raisining o‘rinbosari K.Gabbazov bolajonlarga o‘z tilaklarini bildirib, yaqinlashib kelayotgan “Bilimlar kuni” va “Birinchi qo‘ng‘iroq” bilan tabrikladi. Ularga umumta’lim maktablarida bilimlarni puxta egallab, a’lo baholarda o‘qishini, xalqaro fan olimpiadalari va sport musobaqalarida yuqori o‘rinlarni egallashlarini, eng muhimi, Vatanimiz uchun nafi tegadigan malakali mutaxassis bo‘lib yetishishlarini tiladi.
Tadbirda bolajonlarga barcha o‘quv qurollari jamlangan maktab sumkasi va esdalik sovg‘alari taqdim etildi. Shuningdek, sahna ko‘rinishlari hamda qiziqarli interaktiv o‘yinlar bolalarda katta taassurot qoldirdi
