G‘alaba muborak bo‘lsin, qahramonlar!
Paralimpiyachilarimiz o‘z jasoratlari va g‘alabalari bilan nafaqat sport maydonlarida, balki har birimizning qalblarimizda ham alohida o‘rin egallamoqda. Ularning kuchli irodasi, qat’iyat va matonati – barchamiz uchun haqiqiy namuna.
Jamoamiz bu yilgi Paralimpiya o‘yinlarida jami 26 ta medalni qo‘lga kiritdi. Jumladan, 10 ta oltin, 9 ta kumush va 7 ta bronza medali bilan davlatimizni jahon sport olamida yorqin yulduz sifatida ko‘rsatdi. Bu natija orqali dunyoda 13-o‘rin, Osiyoda 3-o‘rin, turkiy va musulmon davlatlari orasida esa 1-o‘rinni qo‘lga kiritdik.
Shu o‘rinda, ulkan maqsadlarga intilib, O‘zbekiston bayrog‘ini xalqaro arenalarda baland ko‘targan qahramon sportchilarimizni ushbu muvaffaqiyatlari bilan muborakbod etamiz. Siz, Yangi O‘zbekiston yoshlarining bu g‘alabalari har birimizning qalbimizga g‘urur-iftixor bag‘ishlab, mamlakatimizning kuch-qudratini yana bir bor namoyon etdi.
Hurmat bilan,
“Trastbank” XAB jamoasi.
Manba:
ko'rsatilmagan
/
Ko'rishlar:
227
