24-26 may kunlari “Trastbank” xususiy aksiyadorlik bankida “Yangi Мehnat kodeksi asosida kadrlar xizmati faoliyatida qonun hujjatlari talablariga rioya qilish hamda mehnatga oid hujjatlarni rasmiylashtirish” mavzularida o‘quv seminari tashkil qilindi.
Uch kun davom etgan mazkur seminarda moliya muassasasining Bosh ofisi hamda hududlardagi filiallarda faoliyat yuritadigan kadrlar bilan ishlash tizimi xodimlari ishtirok etdi.
Seminarda “Yurist va kadr” nodavlat ta’lim muassasasi direktori R. Isamitdinova, o‘qituvchi A. Nigmonxo‘jayev, TDYU Mehnat huquqi kafedrasi o‘qituvchisi M. Karimjonov kabi malakali spikerlar tomonidan taqdimotlar qilinib, ishtirokchilarga mehnat sohasiga oid asosiy qonunchilik hujjatlari va mehnat qonunchiligida kutilayotgan o‘zgarishlar haqida ma’lumotlar berildi.
Seminar yakunida ishtirokchilarga maxsus sertifikatlar topshirildi.