2023-yil 18-may kuni “Trastbank” xususiy aksiyadorlik bankida “Jaholatga qarshi ma’rifat” mavzusida ma’naviy-ma’rifiy tadbir o‘tkazildi.
Unda O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mita Raisi maslahatchisi Ilhomjon Ma’rupov ishtirok etib, hozirgi kunda Respublikamizda diniy masalalarda o‘tkazilayotgan ma’naviy-ma’rifiy targ‘ibot tadbirlarining ahamiyati haqida to‘xtalib o‘tdi.
Bundan tashqari, dunyoviy jamiyatda dinning o‘rni va ahamiyati, globallashuv jarayonidagi axboriy va g‘oyaviy urushlar, xususan, diniy ekstremizm, radikalizm, “ommaviy madaniyat” xatarlaridan saqlanish, Islom dinining tinchlik va do‘stlik kabi ezgu maqsadlarga xizmat qilishi, yoshlarda turli oqimlarga qarshi mafkuraviy immunitetni shakllantirish zarurligi kabi jihatlarga alohida urg‘u berdi.
Shuningdek, tadbir ishtirokchilarini qiziqtirgan savollarga atroflicha javob qaytardi.