O‘zbekiston Respublikasi Prezidentining PQ-241-sonli “O‘zbekiston Respublikasi davlat mustaqilligining o‘ttiz ikki yillik bayramiga tayyorgarlik ko‘rish va uni yuqori saviyada o‘tkazish to‘g‘risida”gi qarori ijrosini ta’minlash maqsadida “Trastbank” xususiy aksiyadorlik bankida ham bayramni munosib nishonlash bo‘yicha qizg‘in ishlar boshlab yuborilgan.
Jumladan, hurriyatimizning 32 yilligi arafasida “Trastbank” ning “Toshkent” filialida “Yangi O‘zbekistonda el aziz, inson aziz” shiori ostida ma'naviy tadbir tashkil etildi.
Tadbirga O‘zbekiston Respublikasi Xotin-qizlar jamoatchilik Kengashi a’zosi, Respublika Ma’naviyat va ma’rifat markazi eksperti, “Ma’rifat” targ‘ibotchilar jamiyati a’zosi Shermuxamedova Jamilya Tоshpulatovna ishtirok etdi. U o‘z so‘zida o‘tgan davr ichida mamlakatimizda beqiyos tarixiy ahamiyatga ega bo‘lgan yangilanishlar va ulkan ishlar haqida gapirdi.
Shuningdek, mustaqillikning mazmun-mohiyatini anglab olishimiz va yosh avlodga uning ahamiyatini yetkazishimiz zarurligi, vatan mustaqilligini mustahkamlashda oʻz hissasini qoʻsha olish eng oliy tuygʻu ekanligini ta’kidladi.
