“Trastbank” xususiy aksiyadorlik banki tomonidan hududlarda “mahalla bankir”lari faoliyati yo‘lga qo‘yilib, ularga “yordamchi-agent”lar ham tanlab olindi. Ushbu mutaxassislar aholining tadbirkorlik faoliyatini yo‘lga qo‘yish borasidagi qobiliyati va imkoniyatlarini o‘rganadi, qolaversa, ularning startap loyihalarini qo‘llab-quvvatlash, banklardan kredit olish kabi masalalarga ko‘maklashadi.
Albatta, “mahalla bankiri” hamda “yordamchi-agent”larning bu boradagi bilim va ko‘nikmalarini boyitish maqsadida muntazam ravishda seminar-treninglar o‘tkazib kelinmoqda. Kuni kecha respublikamizning turli hududlarida “Trastbank” XAB Bosh ofisi mutasaddilari ishtirokida tashkil etilgan seminarlar ayni shu maqsadlarga xizmat qildi.
Seminarlarda “mahalla bankiri” va “yordamchi-agent”larning vazifalari haqida batafsil ma’lumot berildi. Bundan tashqari, “Trastbank” xususiy aksiyadorlik banki tomonidan hududlarda aholi uchun taklif etilayotgan bank xizmatlari va joriy etilgan kredit mahsulotlari to‘g‘risida taqdimotlar qilindi.
Shuningdek, ishtirokchilarni qiziqtirgan savollarga atroflicha javob qaytarildi.
