Har yili yasharish va yangilanish ayyomi arafasida, yaʼni Navro‘z bayramini munosib kutib olish va nishonlash maqsadida yurtimiz bo‘ylab hashar o‘tkazish yaxshi anʼanaga aylangan.
Hashar — qadriyatlarimizning ajralmas qismi. Zero, ushbu kunlarda odamlar orasida o‘zaro mehr-oqibat va hamjihatlik yanada kuchayadi, beg‘araz yordam, mehr-muruvvat kabi ezgu fazilatlar yuksalib, obodonlashtirish va ko‘kalamzorlashtirish ishlari amalga oshiriladi.
Bugun erta tongdan “Trastbank” XAB va uning filiallarida umumxalq hashari katta xursandchilik bilan o‘tkazildi.
Xodimlar tomonidan hamjihatlikda Bank hududida manzarali ko‘chatlar ekildi, ariq va zovurlar chiqindilardan tozalandi.
Taʼkidlash joizki, bunday hasharlarning o‘tkazilishi xalqimiz, ayniqsa, yoshlarimizda Vatanga sadoqat, milliy qadriyatlarimizga hurmat, tabiat, atrof-muhitga bo‘lgan ezgu munosabatini shakllantirishda muhim ahamiyat kasb etadi.