Ma’lumki, Oʻzbekiston Respublikasi Vazirlar Mahkamasining 2022-yil 26-apreldagi tegishli farmoyishi bilan joriy yilning 30-aprel kuni “Mahalla obodligi – yurt farovonligi” shiori ostida umumxalq xayriya hashari oʻtkazilishi belgilangan edi.
Darhaqiqat, hashar milliy urf-odatlarimiz, an’analarimiz, qadriyatlarimizda ko‘pchilikni birdamlik, ahillik va mehr-oqibatga undashi bilan alohida ahamiyatga ega.
Bugun mamlakatimizning barcha hududlari, qishloq-ovullar, mahallalar, tashkilot va muassasalarda umumxalq xayriya hashari o‘tkazilmoqda.
Shu jumladan, “Trastbank” xususiy aksiyadorlik bankida ham obodonlashtirish va ko‘kalamzorlashtirish ishlari ko‘tarinki ruhda o‘tmoqda. Erta tongdan ahil jamoa a’lo kayfiyatda va hamjihatlikda hashar ishlariga faol qatnashmoqda. Bino atrofi va ariqlarni tozalash, daraxtlarni oqlash va shakl berish ishlari olib borilmoqda.
Ta’kidlash joizki, “Trastbank” XABning filiallarida ham hashar qizg’in davom etmoqda.