Kuni kecha O‘zbekiston futbol assotsiatsiyasi hamda Professional futbol ligasi tomonidan taʼsis etilgan “ENG ZO‘R Uz Football Awards-2022” taqdirlash marosimi bo‘lib o‘tdi.
Unda yilning eng yaxshi futbolchisi, futzalchisi, murabbiyi va shunga o‘xshash boshqa nominatsiyalarda g‘oliblar aniqlandi.
Shu jumladan, tarix zarvaraqlariga muhrlanib borayotgan 2022-yilda mamlakatimizda eng yaxshi murabbiy sifatida “Olimpik” futbol klubi murabbiysi Timur Kapadze e’tirof etildi.
Bundan tashqari, “Olimpik”ning a’zolari, ya’ni yarim himoyachilar Abdurauf Bo‘riyev va Otabek Jo‘raqo‘ziyev ham eng yaxshilar qatoridan joy oldi.
Shu o‘rinda, “Olimpik” jamoasini ushbu yutuqlari bilan tabriklaymiz. Ularning bu kabi muvaffaqiyatlari bardavom bo‘lishini tilab qolamiz.
Ta’kidlash joizki, “Trastbank” xususiy aksiyadorlik banki “Olimpik” futbol klubining homiysi hisoblanadi.