2025-yil 6-may kuni “Trastbank” xususiy aksiyadorlik banki “Bektemir” bank xizmatlari ofisida O‘zbekiston Respublika Tovar-xom ashyo birjasi savdolari ishtirokchilari hamda brokerlar bilan uchrashuv bo‘lib o‘tdi. Unda “Trastbank” XAB Bank bo‘linmalari faoliyatini muvofiqlashtirish departamenti direktori O.Do‘stmuxamedov tomonidan “Trastbank”da O‘zbekiston Respublikasi Tovar-xom ashyosi birja savdosi ishtirokchilari bo‘lgan tadbirkorlar hamda brokerlar uchun maxsus ishlab chiqilgan bank mahsulotlari va xizmatlari yuzasidan taqdimot qilindi.
Jumladan, birja savdolari ishtirokchilari va brokerlar uchun qulay shartlarda ishlab chiqilgan milliy va xorijiy valyutadagi “UzEx” tarif rejalari, biznes va chakana kredit mahsulotlari hamda Birja hisobvaraqlariga pul o‘tkazmalarini amalga oshirish bo‘yicha yaratilgan qulayliklar yuzasidan tushuntirish berildi.
Shuningdek, tadbir ishtirokchilarni qiziqtirgan barcha savollarga atroflicha javob qaytarildi.
