«Trastbank» xususiy aksiyadorlik banki respublikamiz hududlarida aholining bank xizmatlariga bo‘lgan ehtiyojini qondirish maqsadida mini-banklar tarmog‘ini kengaytirmoqda.
2018 yilning 3 aprelidan “Trastbank” xususiy aksiyadorlik banki Qarshi filiali qoshida “Ishonch” mini-banki o‘z ish faoliyatini boshladi. Mazkur mini-bank bugungi kuchli raqobatbardosh bozor sharoitida barcha turdagi bank xizmatlarini ko‘rsatishga ixtisoslashgan zarur jihoz va texnikalar bilan to‘liq ta’minlangan. Xususan, mini-bank jismoniy va yuridik shaxslarga barcha turdagi bank xizmatlarini ko‘rsatish bilan bir qatorda, xalqaro pul jo‘natmalari tizimlari («Western Union», «Contact», «MoneyGram», «Unistrim» va «Zolotaya Korona»)dan foydalanish, hisob-kassa xizmatlari, yuridik shaxslar depozitlari, «Internet-banking», «SMS-informator», «Mobile-banking» hamda boshqa shu kabi bank mahsulotlari va xizmat turlaridan foydalanish imkoniyati yaratilgan.
Mini-bank manzili: Qashqadaryo viloyati, Qarshi shahri, I.Karimov ko‘chasi, 228-uy. Telefon: (0375) 221-40-00
«Trastbank» xususiy aksiyadorlik banki o‘zining 24 yillik faoliyati davomida mamlakatimiz bank xizmatlari bozorida keng doiradagi xizmatlarni taqdim etib kelmoqda. Bugungi kunda bank tarkibida 10 ta filial va 49 ta mini-bank faoliyat yuritayotgan bo‘lib, ular poytaxtimizdan tashqari, Namangan, Surxondaryo, Andijon, Samarqand, Qashqadaryo va Farg‘ona viloyatlarida joylashgan.
