2022-yil 21-noyabr kuni “Trastbank” xususiy aksiyadorlik banki Bosh ofisida Toshkent moliya instituti “Xalqaro moliya va kredit” mutaxassisligi bo‘yicha tahsil olayotgan 4-kurs talabalari uchun “O‘zbekiston Respublikasi bank tizimida islom moliyaviy xizmatlaridan foydalanish holati” mavzusida sayyor dars o‘tkazildi.
Unda “Trastbank” XAB Moliyaviy xizmatlar markazi direktori o‘rinbosari, Iqtisodiyot fanlari nomzodi (PhD) S.Igamberdiyev tomonidan “Trastbank” XAB faoliyatida erishilayotgan yutuqlar va istiqboldagi rejalar haqida taqdimot o‘tkazildi.
Xususan, bank-moliya tizimidagi islom moliyasining joriy holati, islom moliya tuzilmasining asosiy funksiyalari, moliyaviy instrumentlari to‘g‘risida ma’lumotlar tadqim etildi hamda talabalarni qiziqtirgan savollarga atroflicha javob berildi.
Qayd etish joizki, bu kabi sayyor darslar “O‘zbekiston Respublikasi Prezidentining 2017-yil 27-iyuldagi “Oliy ma’lumotli mutaxassislar tayyorlash sifatini oshirishda iqtisodiyot sohalari va tarmoqlarining ishtirokini yanada kengaytirish chora-tadbirlari to‘g‘risida”gi qarori ijrosini ta’minlash orqali banklarning faoliyati va ularning mamlakat iqtisodiyotidagi muhim o‘rni haqida talaba yoshlarning bilim va ko‘nikmalarini boyitib borish imkonini beradi.
