"Trastbank" mijozlar uchun qulay shart-sharoitlar yaratish maqsadida Xitoy va Qozog‘iston banklari bilan vakillik munosabatlarini o‘rnatdi. Amalga oshirilgan ishlar davomida “Yinzhou Bank”da AQSh dollari va Yevroda vakillik hisobraqamlari va «Xalyk Bank»da AQSh dollarida vakillik hisobraqami ochildi.
Banklar bilan o‘rnatilgan aloqalar "Trastbank" mijozlariga xizmat ko‘rsatish darajasini oshiradi hamda Xitoy va Qozog‘istondagi hamkorlari bilan tashqi savdo shartnomalari bo‘yicha hisob-kitoblarni tezkor ravishda amalga oshirish imkonini beradi.
"Trastbank" Osiyo mamlakatlari bilan biznesni rivojlantirish istiqbolli deb hisoblaydi hamda Xitoy, Qozog‘iston va boshqa davlatlardagi moliyaviy institutlar bilan o‘zaro hamkorlik aloqalarini kengaytirishni rejalashtirmoqda.